KICHAKA CHA SIMULIZI

                    

                              SIMULIZI…..WHEN I SAY I LOVE YOU! ( 12 )

                                     MTUNZI…….GIFT KIPAPA

       ILIPOISHIA….

“Aah, karibu tena karibu sana!”

Dulla aliongea maneno hayo mfululizo huku akimsindikiza mpaka alipotoka nje ya saluni hiyo, haikuwa kawaida yake kuwasindikiza wateja lakini siku hiyo alijikuta anamsindikiza Rehema.

“Poa basi, karibu sana Ray!”

“Asante , kwaheri!”

Rehema aliitikia huku akimuangalia Dulla kwa macho malegevu , moyoni mwake alijawa na furaha tupu alijiona kama vile tayari amekwisha mpata dulla, hakuelewa kwa nini amekuwa na moyo wa kujiamini kiasi hicho ila moyo wake ulimsitizia kwamba Dulla ni wako tu, na kujikuta anauamini moyo wake kwa asilimia zote mia kwa mia.

MUENDELEZO WAKE :

Alitembea kwa takribani hatua kumi na kisha kugeuka nyuma ambapo alikuta Dulla bado amesimama akimuangalia, alimpungia mkono huku akitabasamu ambapo Dulla nae alitabasamu pia na kuupunga mkono wake. Kisha Rehema akaendelea na safari yake huku mawazo yake yote yakiwa yamebaki kwenye saluni hiyo.

Ilikuwa vigumu kwa Dulla kuamini kile kilichotendeka kwake siku hiyo alihisi labda ilikuwa ndoto au mawazo, alibaki ameduwaa tu huku akimuangalia Rehema mpaka alipotokomea , kitendo cha Rehema kumpatia yeye pesa kilivunja rekodi katika moyo wake. Ilikuwa ni ajabu kwake tena ajabu ambayo hajawahi kuisikia wala kuiona mishani mwake.

“Sijawahi kuona mimi, shori huyu ni wa aina yake aisee!!”,

Alijisemesha huku bado yupo katika hali ya kushangaa

“mtoto anaonekana kwo kupo njema, sasa kwanini mtu mzima nisijishikize!?”,

Dulla alijiuliza swali hilo kichwani kwake na kujikuta anapata hisia flani moyoni mwake na kujikuta anapata msukumo wa ajabu juu ya jambo hilo.

“Namfuata nikamweleze sasa hivi!”,

Dulla aliwaza na dakika hiyo hiyo alitoka mbio na kusahau hata kufunga mlango wa saluni alielekea kule ambako Rehema alielekea, alikimbia kwa kasi ili asimkose , Rehema hakuwa mbali sana kwani haikumchukua muda mrefu akawa amemuona akiwa upande wa pili wa barabara. Kuna Roli lilikuwa lina pita kwenye barabara hiyo lakini yeye hakulijali alikatiza haraka kwenye bara bara hiyo .

“Wewe utakufa ,mjinga wewe!!”

Alifoka dereva wa Roli hilo baada ya kufunga breki ya ghafla

 ‘kuuuu’

breki hiyo ilisikika ilkuwa nusura amgonge Dulla,

watu wote waliokuwepo kwenye eneo hilo waligeuza vichwa vyao ilikuangalia ajali hiyo iliyo nusurika kutokea , Rehema pia aligeuka na kuona kwamba mtu aliyenusurika kugongwa na Roli hilo ni Dulla, moyo ulimpasuka huku akiwa haamini kama kweli Dulla wake ndiye alikuwa katika hatihati za kugongwa , Dulla mwenyewe hakujali wala kuzingatia maneno aliyoyasema dereva wa roli yeye aliendelea kukimbia tu.

“Dullaaa!!!”

Rehema aliita kwa sauti

“Ray!!”,

 Nae pia aliita huku akizidi kumsogelea.

“Unaenda wapi Dulla!?”,

 aliuliza Rehema

“Kwako Ray, nakufuata wewe!”,

aliongea Dulla huku akihema

“Mimi!?”,

aliuliza kwa mshangao

“Ndio wewe Ray kuna kitu nataka kukueleza!”

“Kitu gani!?”,

“Nakupenda Ray, nimeshindwa kabisa kuliweka moyoni ,nimeonelea bora nikueleze nakupenda Ray!”.

Dulla aliongea maneno hayo bila kusita huku akihema sababu ya kukimbia, aliongea kwa urahisi tu bila kujua ni kwa kiasi gani maneno hayo yalivyokuwa na uzito kwenye moyo wa Rehema , ambaye mara baada ya kuyasikia maneno hayo mwili wake ulisisimka akajikuta ameyafumba macho yake kwa hisia huku akihisi moyo wake huko kwenye boxi lenye barafu,

“Ray usinifumbie macho , ninacho kiongea kinatoka moyoni niamini tafadhari!”,

Dulla alizidi kuongea maneno yaliyo mfanya rehema azidi kupagawa , aliyafumbua macho yake yaliyo ambatana na machozi yaliyoanza kububujika kwenye mashavu yake,yalikuwa ni machozi ya furaha, Rehema hakutegemea kabisa kwamba leo ndio siku ambayo ndoto yake imekamilika. Furaha aliyokuwa nayo moyoni ilimshinda nguvu bila kujali watu wakikatiza maeneo hayo wala sare za shule alizozivaa akajikuta amemkumbatia Dulla huku machozi yakizidi kumtoka na kudondokea mgongoni kwa Dulla.

“Nakupenda dulla zaidi ya unavyo fikiria nakupenda sana!”

Aliongea maneno hayo huku akiendelea kulia bila kujua kwamba kilicho mvutia Dulla kwake sio mapenzi bali ni pesa alizompatia muda mfupi uliopita walipokuwa saluni.

Dulla akajitoa mwilini mwa Rehema kwani alishaanza kuona aibu kumkumbatia mwanafunzi mbele ya hadhara , sababu kitendo hicho cha kuwa na uhusiano wa kimapenzi na mwanafunzi kinapigwa vita na jamii nzima isitoshe kuwa na uhusiano wa kimapenzi na mwanafunzi ni kosa la jinai hivyo Dulla aliogopwa kukutwa na hatia hiyo kwani alijua angeozea jela.

“Twende saluni basi” aliongea Dulla

“Sawa !”

aliitikia kisha wakaongozana.

Watu wote waliwashangaa kwa kitendo walicho kifanya huku wengine wakiongea maneno ya kuwa karipia, wao hawakujali waliendelea na safari yao na kuwaacha watu hao wakibaki na maada.

Wakiwa ndani ya saluni walizungumza mengi kuhusu penzi lao hilo lililo chipua siku hiyo, Rehema akiwa mwenye furaha ilioje alimweleza Dulla kila kitu kinacho husu maisha yake ikiwa ni pamoja na maisha yake ya mapenzi,alifanya hivyo sababu alimuamini kupita kiasi bila kujua ukweli uliokuwepo kwenye moyo wa Dulla, hakujua kwamba dulla ni tapeli wa mapenzi, jambo hilo halikuwepo kabisa kichwani mwake masikini ya mungu.

“”Dulla naukabidhi moyo wangu mikononi mwako,naomba uutunze kama unavyoitunza mboni ya jicho lako “

“niamini Ray nimeshakueleza nakupenda!”,

Aliongea Dulla huku nafsi yake ikimsuta kwamba alichokuwa akikiongea ni uongo mtupu. Aliongea mengi ambayo yalizidi kumfanya Rehema apagawe kabisa na penzi hilo.

 Dulla alikuwa na uzoefu mkubwa katika suala la mapenzi, alishawahi kuwa na wapenzi lukuki hivyo alijua vema jinsi ya kuweza kumlaghai msichana yoyote yule, maneno matamu aliyoyatoa kinywani mwake yaliweza kuwa chambo cha kuweza kumvuta msichana yoyote yule. Rehema hakujua kwamba maneno yote hayo dulla aliyaongea kwa uzoefu tu.

                                                        END OF SEASON ONE

soma msimu wa pili hadi mwisho kwa kununua hadi mwisho au kwa kununua episodi za simulizi hii katika email yako, inbox ya fb au whatsapp kwa sh 100 tu kwa episodi , tsh 1000 kwa episodi kumi , kenye sh ni ksh 10 kwa episodi